1st AG Medal Tatangayin ng mga Bata ni Carrasco

by | Aug 11, 2018

KAUNA-UNAHANG medalyang kahit anong kulay ang susubukan mahablot ng sinuman sa 6 na bata ni Triathlon Association of the Philippines president Tomas Carrasco, Jr. sa 18th Asian Games 2018 sa Agosto 18-Setyembre 2 sa Jakarta-Palembang, Indonesia.

Hindi pa nakukwintasan ng medalya ang mga Filipino triathlete sa nakalipas na 17 taon o tatlong edisyon ng quadrennial multi-sport meet tapos makapasok na medal sport noong 2006 sa Doha at sa kasunod na 2010 Guangzhou at 2014 Incheon Asiads.

Ma. Claire Adorna

Ma. Claire Adorna

Mamumuno ang balik-team na sina 2015 Singapore Southeast Asian Games queen Ma. Claire Adorna, Malaysia SEA Games women’s gold medalist Marion Kim Mangrobang, at reigning 2-time SEAG gold men’s winner Nikko Bryan Huelgas, mga lumapag na 7th, 9th at 11th sa 2014 Incheon Asiad.

Kasama rin sa 1,500-meter swim, 40-kilometer bike, 10k run race sina John Leerams ‘Rambo’ Chicano, Mark Hosana at Kimberly Kilgroe.

Inihayag ni coach Melvin Fausto na may kahirapang maka-medal kaya ang makaabot aniya ng top 5 para sa Nationals ay isang malaking karangalan na sa event na preparasyon na rin ng mga Pinoy triathlete sa 30th SEAG 2018 sa bansa. (Ramil Cruz)

Sports

Share This

Share This

Share this post with your friends!